दैलेखको ठाटीकाँध गाउँपालिकाले आगामी आर्थिक वर्ष २०८२/८३ का लागि ४१ करोड ५० लाख रुपैयाँ बराबरको बजेट सार्वजनिक गरेको छ ।
मंगलबार सम्पन्न गाउँपालिकाको १७ औँ गाउँ सभामा उपाध्यक्ष देविराम बडुवालले उक्त बजेट प्रस्तुत गरेका हुन् ।
गाउँपालिकाले आगामी आर्थिक वर्षका लागि चालुतर्फ २३ करोड ३२ लाख ३५ हजार ५९ रुपैयाँ र पुँजीगततर्फ १८ करोड १७ लाख ९६ हजार रुपैयाँ विनियोजन गरेको छ। बजेटको स्रोतका रूपमा संघीय र प्रदेश सरकारबाट प्राप्त अनुदान तथा गाउँपालिकाको आन्तरिक स्रोतलाई समेटिएको छ ।
यसअघि गाउँ सभामा गाउँपालिका अध्यक्ष रक्ष बहादुर शाहले नीति तथा कार्यक्रम प्रस्तुत गरेका थिए । अध्यक्ष शाहले आगामी वर्षको बजेटले विगतका उपलब्धिलाई संस्थागत गर्ने, अत्यावश्यक पूर्वाधार निर्माण, स्वास्थ्य र शिक्षामा सबैको पहुँच सुनिश्चित गर्ने तथा पालिकाको दिगो एवं सन्तुलित विकासमा टेवा पुर्याउने बताए ।
बजेट प्रस्तुत गर्दै उपाध्यक्ष बडुवालले पुराना र अधुरा रहेका कार्यक्रमलाई पूर्णता दिने तथा पालिकाको दिगो विकासलाई जोड दिने गरी बजेट ल्याइएको बताए ।
प्रतिक्रिया दिनुहोस्