सुर्खेत,।नेको इन्स्योरेन्स लिमिटेड सुर्खेत शाखाले आफ्नो ३० औं वार्षिकोत्सवको अवसरमा वृद्धाश्रमलाई खाद्यान्न सामग्री सहयोग गरेको छ।
शुक्रबार वीरेन्द्रनगर-०३ स्थित प्रशान्ति वृद्धाश्रममा नै पुगेर नेको इन्स्योरेन्सका कर्णाली प्रदेश प्रमुख रमेशराज शर्मा, सुर्खेत शाखा प्रमुख जगत प्रसाद शर्मा लगायतको उपस्थितिमा दाल, चामल लगायतका
आवश्यक खाद्यान्न सामग्री हस्तान्तरण गरिएको हो।
सहयोग कार्यक्रममा बोल्दै प्रदेश प्रमुख रमेशराज शर्माले वृद्ध बुवा-आमाहरूलाई सहयोग गर्ने अवसर पाएकोमा खुसी व्यक्त गर्दै भन्नुभयो, “यो पवित्र कार्यमा सहभागी हुन पाउँदा हामीले संस्थागत रूपमा ठूलो आशिर्वाद पाएको महसुस गरेका छौँ।”
यस्तै, वृद्धाश्रमका तर्फबाट महासचिव चेत बहादुर अधिकारी र उपाध्यक्ष शीतल सिंह राठौरले नेको इन्स्योरेन्स परिवारलाई धन्यवाद ज्ञापन गर्नुभयो। उहाँहरूले विभिन्न संघ-संस्थाहरूको यस्तै निस्वार्थ सहयोगले नै वृद्धाश्रम सञ्चालनमा थप हौसला र उर्जा मिलेको बताउनुभयो
प्रतिक्रिया दिनुहोस्