पश्चिम सुर्खेतको चौकुने गाउँपालिकाले आगामी आर्थिक वर्षका लागि कुल ५७ करोड ७० लाख ६९ हजार रुपैयाँको बजेट प्रस्तुत गरेको छ ।
सार्वजनिक गरिएको बजेटमा चालु खर्च तर्फ ७५ प्रतिशत र पुँजिगत खर्च तर्फ २५ प्रतिशत रकम विनियोजन गरिएको छ ।
गाउँपालिकाको बजेटको मुख्य स्रोतमा संघीय र प्रदेश सरकारबाट प्राप्त हुने अनुदान रहेको छ ।
जसअनुसार, संघीय सशर्त अनुदानबाट २३ करोड २ लाख, प्रदेश सशर्त अनुदानबाट २ करोड ८३ लाख ६९ हजार, संघीय विशेष अनुदानबाट २ करोड १८ लाख र संघीय समपुरक अनुदानबाट १ करोड ३१ लाख रुपैयाँ प्राप्त हुनेछ ।
गाउँपालिकाका अध्यक्ष खड्गबहादुर विकका अनुसार नतिजामा आधारित विकास प्रणाली अवलम्बन गर्ने गर्ने गरी बजेट ल्याइएको छ ।
बजेटको प्रभावकारी कार्यान्वयनका लागि व्यवस्थापकीय, प्रशासकीय र पर्यावरणीय पक्षलाई सुदृढ बनाउँदै लगिने उनको भनाइ छ ।
बैको सहयोगात्मक र रचनात्मक सहयोगमा ‘समृद्ध चौकुने’ निर्माण गर्ने अभियानलाई सफल बनाउने विश्वास गाउँपालिकाले लिएको छ ।
प्रतिक्रिया दिनुहोस्