कर्णालीमा अन्तर्राष्ट्रिय चलचित्र महोत्सव हुदै

सुर्खेत —‘दोस्रो कर्णाली अन्तर्राष्ट्रिय चलचित्र महोत्सव’ आगामी फागुन २५ देखि सुर्खेतमा हुने भएको छ ।

रेड चेरी मिडियाले आयोजना गर्ने यस महोत्सवमा ‘घुमौं कर्णाली, हेरौं कर्णाली’ को नारालाई अघि सार्दै नेपाली चलचित्रको प्रवर्धन र विकाससँगै चलचित्र र पर्यटन जोड्न विविध गतिविधि सञ्चालन गरिने जनाइएको छ ।
सुर्खेतको वीरेन्द्रनगर र दैलेखको गुराँस गाउँपालिकामा महोत्सव दुई चरणमा गरेर हुने जनाइएको छ।
पहिले फागुन २५ गते उद्घाटन, चलचित्र संवाद वीरेन्द्रनगरस्थित सुभ होटेलमा र दोस्रो फागुन २६ गते दैलेखको गुराँस गाउँपालिकामा पर्यटन तथा जलवायू, अवार्ड समारोह गरिने छ ।

महोत्सव निर्देशक चक्रबहादुर चन्दका अनुसार कर्णाली महोत्सवले कर्णालीका ऐतिहासिक र सांस्कृतिक महत्त्वलाई राष्ट्रिय तथा अन्तर्राष्ट्रियस्तरमा पुर्‍याउने गरी ‘रारा चलचित्र पर्यटन तथा जलवायु परिवर्तन समिट’ पनि आयोजना गर्ने बताए ।
महोत्सवमा चलचित्र प्रदर्शन, कार्यशाला, अन्तर्क्रिया र अवार्ड समारोह लगायतका गतिविधि समेटिने आयोजकले जनाएको छ । साथै, महोत्सवको सद्भावनादूतका रूपमा कलाकारद्वय प्रदीप खड्का र अभिनेत्री सुरक्षा पन्त पनि सुर्खेत आउने भएका छन् ।