करिव तीन महिनापछि कर्णालीमा डीआईजीको पोस्टिङ

सुर्खेत । झन्डै तीन महिनादेखि रिक्त रहेको कर्णाली प्रदेश प्रहरी कार्यालय प्रमुखमा भर्खर बढुवा भएका प्रहरी नायब महानिरीक्षक ( डीआईजी ) माधव श्रेष्ठको पोस्टिङ भएको छ । बढुवा भएका डीआइजी श्रेष्ठको आजको पदस्थापनमा कर्णाली प्रदेश प्रहरी कार्यालय प्रमुखमा पदस्थापन गरिएको हो ।

कर्णाली प्रदेश प्रहरी कार्यालयका प्रमुख डीआइजी जनक भट्टराई २२ फागुनमा एआइजी भएपछि रिक्त भएको पद आजसम्म खाली थियो र निमित्त प्रमुखको भरमा चलेको थियो ।

गृह मन्त्रालयले वैशाख २१ गते सात डीआईजीको सरुवा गर्दा कर्णालीमा जान नमानेको भन्दै कसैलाई पनि पठाइएको थिएन । त्यो बेला कर्णाली बाहेक ६ प्रदेशका प्रहरी प्रमुख हेरफेर गरिएको थियो ।

कर्णालीमा कमान्ड एसएसपी शिवकुमार श्रेष्ठ निमित्त प्रमुख भएर चलाइरहेका थिए ।