
११ वर्षदेखि फरार रहेकी एक महिलाले पक्राउ परेको केही समयमै १० रुपैयाँ बुझाएर रिहा भएकी छिन् ।
सप्तरी जिल्ला अदालतले गरेको १० रुपैयाँ जरिवाना नबुझाएर साबिक डिमन गाविस–३ घर भएकी संयुक्तादेवी देव साढे ११ वर्षदेखि फरार थिइन् ।
उनलाई तीनवटा मुद्दामा १०–१० रुपैयाँ जरिवाना गरिएको साढे ११ वर्षपछि प्रहरीले जरिवाना भराउन आइतबार उनलाई नियन्त्रणमा लिएको हो ।
सप्तरी प्रहरीका अनुसार दुईवटा किर्ते जालसाजी र एउटा जालसाजी गरी तीनवटा मुद्दामा उनलाई सप्तरी जिल्ला अदालतले १०–१० रुपैयाँ जरिवाना गर्ने फैसला २०७० असार १९ गते गरेको थियो ।
सो जरिवानाको रकम नबुझाएर देव साढे ११ वर्षदेखि तथ्यांकमा फरार सूचीमा रहेकी थिइन् ।
फैसला कार्यान्वयनअन्तर्गत प्रहरीले सुरु गरेको फरार रहेकी उनलाई आइतबार घरबाट नियन्त्रणमा लिएकाे थियाे ।
अदालतसमक्ष पेस गरिएको र तोकिएको जरिवाना बुझाएर उनी रिहा भएको प्रहरीले जनाएकाे छ ।
प्रतिक्रिया दिनुहोस्